T-ara хамтлагийн гишүүн Жи Ён болон бэйсболын тамирчин Хван Жэ Гён нар хоёр жилийн өмнө хуримаа хийж, нэлээдгүй шуугиан тариад байсан. Харамсалтай нь тэднийг хоёр тийш болсон тухай цуурхал хэдэн сарын өмнөөс гараад буй. Тэгвэл хосууд уг цуурхалд хариу өгч гэрлэлтээ цуцлуулах өргөдлөө өгсөн болохоо зарлалаа. Одоогоор шүүхээс эвлэрүүлэн зуучлах шатандаа явж байгаа бөгөөд хосын харилцаа дуусгавар болсон ч бид нэг нэгнийхээ ирээдүйн замд дэмжлэг үзүүлсээр байх болно хэмээн мэдэгдсэн байна. Уг мэдэгдлийн дараа дуучин Жи Ён өөрийн инстаграм хуудаснаас өөрсдийнхөө хамтдаа авхуулсан зураг, холбоотой дүрс бичлэг зэргээ устгажээ.
