НҮБ-ын Хүүхдийн Сангийн дэмжлэгтэйгээр бүтээсэн “Цахим аялал” интерактив хичээлийг бага боловсролын багш нарт таниулах, сургалтад ашиглах, хэрэглээ болгоход дэмжлэг үзүүлэхэд тус сургалтын зорилго оршино. Сургалтад 21 аймаг, 9 дүүргийн бага боловсролын нийт 200 багш хамрагдаж байна. Сургалт нь 2024 оны 09 дүгээр сарын 24-25-ны өдрүүдэд зохион байгуулагдах юм. Боловсролын ерөнхий газар болон НҮБ-ын Хүүхдийн сан, Номадик контент ХК хамтран зохион байгуулж байна.
Сургалт дараах сэдвүүдийн хүрээнд зохион байгуулагдана. Үүнд:
– “Цахим аялал” болон “Эрдмийн долгион” төслийн танилцуулга
– Хүн ба орчин, хүн ба нийгэм хичээлийн жилийн төлөвлөлттэй уялдуулан интерактив хичээлийг сургалтад ашиглах нь
– Хүн ба орчин, хүн ба нийгэм хичээлийн жилийн төлөвлөлттэй уялдуулан интерактив хичээлийг сургалтад ашиглах нь
– Цахим контентыг ашиглаж буй туршлага
– Математикийн хичээлийн жилийн төлөвлөлттэй уялдуулан интерактив хичээлийг сургалтад ашиглах нь
– Цахим контентыг ашиглаж буй туршлага
– Эрдмийн долгион аудио хичээлийн танилцуулга
– Монгол хэлний хичээлийн жилийн төлөвлөлттэй уялдуулан интерактив хичээлийг сургалтад ашиглах нь
– Цахим контентыг ашиглаж буй туршлага
– Бүтээлийн танилцуулга
– VR технологийн танилцуулга
– “Medle.mn” талбарт байршуулсан интерактив хичээлийг ашиглан үзүүлэх хичээл бэлтгэх, хэлэлцүүлэг хийх
– Ажлын байрандаа хэрэгжүүлэх санаа
– Сургалтын дүгнэлт
Эх сурвалж – Боловсролын ерөнхий газар
