Жүжигчин, дуучин Селена Гомез тэрбумтан болсныг Блүүмбэрг агентлаг зарлажээ. Селена Гомезын таван жилийн өмнө байгуулсан Rare Beauty гоо сайхны бүтээгдэхүүний компани дахь хувь эзэмшлийн үнэлгээ нь $1 тэрбум давсныг тус агентлаг тооцоолсон аж.
Ийнхүү тэрбээр Тэйлор Свифт, Рианна нартай зэрэгцэн хамгийн залуу эмэгтэй тэрбумтнуудын нэг болжээ. Бүтээгдэхүүнүүд нь сошиал орчинд ихээхэн алдаршсан Rare Beauty компани энэ оны хоёрдугаар сарыг хүртэлх 12 сарын хугацаанд $400 саяын орлоготой ажилласан байна. Мөн өөрийн бизнесээс гадна Louis Vuitton, Coach, Puma зэрэг брэндүүдтэй өндөр мөнгөн дүнгээр гэрээ байгуулж ажилладаг.
