Австрали улс цагаачлалын шилжилт хөдөлгөөнийг КОВИД-19 тахлын өмнөх түвшинд хүртэл бууруулахыг хичээж байгаа тул шинээр элсэх олон улсын оюутнуудын тоог хязгаарлахаар болжээ.
Тус улс нь дэлхийн хамгийн том гадаад оюутнуудын төвлөрөл цэгүүдийн нэг боловч 2025 он гэхэд шинээр элсэгчдийн тоог 270 мянгаар бууруулах аж. Дээд боловсролын байгууллага бүрт бие даасан хязгаарлалт хийнэ гэж Австрали улсын засгийн газар өнгөрөгч мягмар гарагт зарласан. Харин эдгээр хасалтын ихэнх нь мэргэжил дээшлүүлэх сургалтын байгууллагуудад хийгдэхээр байгаа аж.
Энэхүү өөрчлөлт нь боловсролын салбарынхны дургүйцлийг төрүүлж, зарим их дээд сургуулиуд уг үзэгдлийг “эдийн засгийн сүйрэл” гэж нэрлээд байна. Гэвч Австрали улсын нийслэл Канберра хотын удирдлага энэхүү шинэчлэлтийг салбарын чанар, урт наслалтыг сайжруулна гэж мэдэгджээ.
2024 оны эхэн үед гаргасан засгийн газрын тооцооллоор Австрали улсад нийт 717,500 гадаад оюутан оршин сууж буй. Харин шинэ журмын дагуу 2025 онд хувийн болон улсын их сургуулиуд 30 мянга, мэргэжил дээшлүүлэх сургалтууд 95 мянган гадаад оюутан элсүүлэхээр болжээ.
Эх сурвалж – https://www.bbc.com/news/articles/cd734wed3y9o
Бэлтгэсэн дадлагажигч оюутан Э.Номин
