Орос Украины эсрэг дайны үеийн хамгийн том агаарын довтолгоонуудынхаа нэгийг хийлээ гэж Украины Агаарын цэргийн хүчний тэргүүн мэдэгдлээ.
Даваа гарагт Украины бүс нутгийн талаас илүү хувийг пуужин, байлдааны дрон харвасны улмаас долоон хүн амиа алдаж, олон арван хүн шархаджээ. Ингэснээр эрчим хүчний дэд бүтцэд гэмтэл учруулж, өргөн цар хүрээтэй цахилгаан тасрахад хүргэсэн тул агаарын дайралтаас сэрэмжлүүлж, хоргодохыг сануулсаар байгаа аж.
Орос Украины эрчим хүчний дэд бүтцэд халдлага үйлдсэн гэдгээ баталж, энэ нь урт хугацааны тактикуудын нэг бөгөөд бүх байндаа цохилт өгсөн гэж мэдэгдэв.
Пуужин болон байлдааны дроны дайралт даваа гарагийн шөнө орон даяар эхэлж, өглөө хүртэл үргэлжилсэн байна.
Мөн үдээс хойш зүүн хэсэгт орших Кривой Рог хотод иргэний дэд бүтцийн барилга Оросын пуужинд өртөж, нэг эмэгтэй амиа алдаж, таван хүн сураггүй алга болсон гэж орон нутгийн цэргийн захиргааны дарга Александр Вилкул Telegram хуудсандаа мэдэгдэв.
Украины Агаарын цэргийн хүчний командлагч Микола Олещукийн хэлснээр, Орос нэг шөнийн дотор болон даваа гарагийн өглөө 127 пуужин, 109 довтолгооны байлдааны дрон хөөргөсөн байна. Тэднээс Украин 102 пуужин, 99 байлдааны дрон устгасан гэж мэдэгджээ.
Мөн НАТО-гийн гишүүн Польш улс халдлагын үеэр манай улсын нутаг дэвсгэрт “халдлагын объект” нэвтэрсэн гэж мэдэгджээ.
НАТО-гийн хэвлэлийн төлөөлөгч Фарах Дахлалла Украинд хийсэн халдлагыг зэмлэн буруушааж, ОХУ НАТО-гийн агаарын орон зайг зөрчсөн нь “хариуцлагагүй бөгөөд аюултай байж болзошгүй” гэж тус агентлаг мэдэгдэв.
