“Код бичих охидын хөтөлбөр-2024” гурав дахь жилдээ амжилттай зохион байгуулагдаж, хаалтаа хийлээ.
2024 оны хөтөлбөрт Монгол орны өнцөг булан бүрээс бүртгүүлсэн 2000 гаруй охиноос гурван шатны сонгон шалгаруулалтаар 30 охиныг сонгон, хөтөлбөрт хамрууллаа.
Охид 2024 оны зургаадугаар сарын 17-ны өдрөөс 2024 оны наймдугаар сарын 10 хүртэлх хугацаанд ШУТИС-ийн Мэдээлэл, холбооны технологийн сургуулийн багш нарын удирдлага дор 370 цаг код бичих эрдэмд суралцахын зэрэгцээ Энержи Ресурс ХКК, UNICEF Mongolia, Голомт банк, ОНДО ХХК, Нано интернэйшнл зэрэг байгууллагуудаар зочилж, тэдний үйл ажиллагаатай танилцлаа. Мөн Тесла компанийн дата инженер Э.Жавхлан, Самсунг компанийн ахлах менежер Tuka Rentsen, Google компанийн ахлах судлаач М.Цэндсүрэн, Оксфордын их сургуулийн докторант Б.Марал нар энэ удаагийн хөтөлбөрийн ментороор ажиллаж, охидод маань маш үнэ цэнтэй мэдээллийг хуваалцлаа.
“Код бичих охидын хөтөлбөр-2024” -т хамрагдсан охид хоёр сарын хугацаанд сурсан мэдлэгээ ашиглан доорх сэдвийн дор өөрсдийн веб сайтыг хөгжүүлсэн юм.
1.Залхуу фитнес,
2. Mental health hub
3. Hamster cafe
4. Comet cafe -шинжлэх ухааны кафе,
5. Event space
6. Ногоон ирээдүй,
7. Гар урлалын хар зах
Бид тун удахгүй охидын бүтээлийг та бүхэнд цувралаар хүргэнэ.
Хөтөлбөрийг маань дэмжиж, хамтран ажилласан та бүхэндээ талархал илэрхийлье.
Энх-Амгалан Лувсанцэрэн
ШУТИС – Мэдээлэл, Холбооны Технологийн Сургууль
Энержи Ресурс – Хөгжлийн Төлөө
UNICEF Mongolia
Golomt Bank
ONDO.brand
Nano International LLC
