Кендрик Ламарын “Not Like Us” хэмээх Дрейкт зориулсан дисс дуу нь зун эхлээгүй байхад “зуны хит дуу”-гаар сонгогдож, өөр дуучдын тоглолтон дээр хүртэл явагдаж байсан удаатай.
Харин реппер Ламар өөрөө ч энэ дуундаа үнэхээр дуртай бололтой. Тэрбээр “The Pop Out: Ken & Friends” тоглолтын үеэр өөрийн дуугаа нэг ч биш, хоёр ч биш, бүр таван удаа дарааллан дуулсан бөгөөд лхагва гарагт болсон энэхүү тоглолт нь Твич платформ дээр шууд дамжуулагдсан юм.
АНУ-д уран бүтээлээ түүрвэдэг репперүүд өөрсдийгөө зүүний болон барууны хэмээн хуваадаг. Харин өнгөрөгч лхагва гарагт болсон тоглолтын үеэр Кендрик Ламараас гадна Доктор Дре, Руссель Вестбрүүк зэрэг бусад барууны одод тайзан дээр гарсан.
Ламар тоглолтын үеэр “Та нар хэнээр ч барууныхныг үл хүндлүүлэхгүй юм байгаа биз дээ” хэмээн хашгирч байсан бөгөөд Дрейктэй үүсгэсэн мөргөлдөөн нь ч үүнтэй холбоотой гэж хүмүүс гадарлаж байна. 1990-ээд оны үед репийн түүхэнд тэмдэглэгдэхээр реп тулаанууд барууныхан болон зүүнийхний дунд явагдаж байсан бөгөөд тэдний хуваагдаж буй нь энэ үйл явдлын үргэлжлэл гэж олон шүтэн бишрэгчид үзэж байгаа юм.
Тэрбээр Дрейктэй үүсгэсэн энэ хагаралаа дуусгах бодолгүй байгаа бөгөөд энэ зуны турш очсон бүх тоглолтон дээрээ давтан, давтан дуулахыг ч үгүйсгэхгүй.
“Not Like Us” дуу нь тавдугаар сард цацагдсан даруйдаа Биллбоардны Топ 100 дууны жагсаалтыг тэргүүлсэн билээ.
Эх сурвалж – https://edition.cnn.com/2024/06/20/entertainment/kendrick-lamar-juneteenth-not-like-us/index.html
Бэлтгэсэн дадлагажигч оюутан Э.Номин
