АНУ-д хачирхалтай байгалийн үзэгдэл тааралдах, олон төрлийн үл мэдэгдэх чулуу, үнэт өвийн зүйлс олдох нь элбэг. Харь гарагийнхан байдаг гэдэгт итгүүлэм энгийн иргэдийн утсаараа хийсэн бичлэгүүд, цахим орчинд цацагдах өвөрмөц амьтад, ургамлын зураг гэх мэт нь хүмүүсийн анхаарлыг татаж, олон хэлэлцүүлгийн сэдэв болох нь олонтаа. Харин энэ удаад нэгэн өвөрмөц чулуу Лас Вегас мужийн Ниведа уулын замд тааралдсан болохыг Лас Вегасын Цагдаагийн Алба батлаад байна.
“Яаж энэ чулуу энэ дээр гарсан байх вэ?” гэсэн тайлбартайгаар мужийн цагдаагийн алба чулуууны зургийг өөрсдийн Фейсбүүк хуудсан дээр байршуулсан юм.
Уг тунгалаг толь бүхий чулуу нь 2020 онд Ютагийн цөл дээгүүр нисдэг тэргээр явж байсан бүлэг аялагчдын хараанд өртсөн 10 фут өндөр мөнгөлөг чулуутай төстэй. Энэ төрлийн чулуунууд Калифорниагийн уулын орой, Романиагийн ой болон Их Британийн толгод дээрээс тус тус олдож байсан бүртгэл бий.
Энэ мэт хачирхалтай чулууны олдоц 2021 оноос эхлэн харьцангуй буурсан ч өнгөрөгч гуравдугаар сард нутгийн барилгачин Крэйг Муйр уулыг даван алхаж яваад уг чулуутай анх таарчээ. Тэрбээр BBC мэдээнд мэдүүлэхдээ “энэ чулуу маш болгоомжтой тооцооллын дагуу албаар байрлуулсан зүйл шиг санагдсан” хэмээв.
Эх сурвалж – https://edition.cnn.com/2024/06/19/style/mysterious-monolith-las-vegas-nevada-intl-hnk/index.html
Бэлтгэсэн дадлагажигч оюутан Э.Номин
