Өөрийн нэрээр загварын брендээ нэрлэсэн Вивиен Вествүд загварын хурц шийдэл болсон шинэлэг загварууд, олон төрлийн өнгө, хээг хослуулан эмэгтэй хүний чамин хэрнээ хүчирхэг байдлыг хадгалсан хувцас урладгаараа алдартай. Түүний загварыг өмнө жилээс Тик Ток дээр тренд болж эхэлсэн “Nana” олон ангит аниме улам сурталчилсан юм.
Харин энэ сарын сүүлд болох дуудлага худалдаагаар энэхүү алдарт загварын брендийн дизайнер хатагтай Вивиен Вествүдийн хувийн хувцаснуудыг худалдан авах боломж гарч ирэх юм. Түүний 40 жилийн турш цуглуулсан хувцас, үнэт эдлэл, гутал, алчуур зэрэг 200 орчим хэрэглэлийг зургаадугаар сарын 25-ны өдөр Лондон хотноо болох шууд дуудлага худалдаанд эхэлж оруулна. Үүний дараагаар үлдсэн хувцаснуудыг зургаадугаар сарын 14-нөөс 28-ны өдрүүдэд цахим дуудлага худалдаанд оролцуулах аж.
Түүний хувцаснууд дундаас хамгийн хуучны эдлэл нь Вествүдийн өөрийн 1983 оны намар, өвлийн коллекцийн зөөлөн цэнхэр өнгийн хослол гэж тодорхойлогдсон бөгөөд дизайнерийн хэлж байгаагаар хамгийн багадаа 7 мянга 600 ам.доллараас үнэ эхлэх юм.
Бэлтгэсэн дадлагажигч оюутан Э.Номин
Эх сурвалж- https://edition.cnn.com/2024/06/14/style/vivienne-westwoods-own-wardrobe-auction-intl-scli/index.html
