Өнгөрөгч ням гарагт Нью Йорк хотноо 2024 оны Тонигийн шагнал гардуулах ёслол болж өнгөрсөн. Уг шагнал гардуулах ёслол нь Харри Поттерийн дүрийг бүтээснээрээ олонд танигдсан Даниел Радклифф болон бусад хэд хэдэн жүжигчдийн хувьд анхны Тонигийн шагналаа хүртсэн гайхалтай үдэш болжээ.
Түүний дүр бүтээсэн “Merrily We Roll Along” мюзиклийн нэг дуу тайзан дээр тоглогдсоны дараа тэр анхны Тонигийн шагналаа шилдэг эрэгтэй жүжигчин төрөлд гардан авчээ. Тэрбээр тайзан дээр үг хэлэхдээ “Энэ миний амьдралын хамгийн гайхалтай, сэтгэл догдлом мөч байлаа” хэмээжээ.
Жүжигчин Радклиффийн хамтран дүр бүтээгч Жонатан Грофф мөн шилдэг гол дүр төрөлд анхны Тонигийн шагналаа хүлээн авсан бөгөөд театрын урлаг хэзээд өөрийнх нь хувьд амьдралаас ирсэн “хамгийн том бэлэг, дурлаж хийдэг зүйл минь байх болно” хэмээн олны сэтгэлийг хөдөлгөсөн юм.
Сара Полсон мөн “Appropriate” кинонд тоглосон дүрээрээ шилдэг эмэгтэй жүжигчин төрөлд анхны шагналаа хүртсэн бөгөөд тайзан дээр үг хэлэхдээ өөртэй нь зэрэгцэн дүр бүтээсэн жүжигчид, арын албаны ажилчид, болон нөхөртөө талархал илэрхийлэв.
40 жилийн турш Тонигийн шагнал гардуулах ёслолд оролцохын тулд зүтгэсэн “Succession” киноны од Жереми Стронг болон Кешиа Левис мөн анхны шагналын эздийн дунд байсан юм.
Эх сурвалж – https://edition.cnn.com/2024/06/16/entertainment/daniel-radcliffe-2024-tonys-highlights/index.ht
Бэлтгэсэн дадлагажигч оюутан Э.Номин
