- True Detective: Night Country
Энэхүү гэмт хэргийн тайлал бүхий цувралын дөрөвдүгээр бүлэг нь Аласка хотод өрнөнө. Судалгааны төвийн найман залуу гэнэт алга болсноор киноны гол үйл явдал эхлэх бөгөөд мөрдөгчид уг хэргийн учрыг тайлах зорилготой. Цэнхэр гэрэл дор авсан зураг авалтууд киноны турш мэдрэгдэх нууцлаг уур амьсгалыг улам бататган хадгалах бөгөөд эгзэгтэй мөчүүдэд камераны хөдөлгөөн үзэгчдийн сэтгэлийг хөдөлгөнө. Хэрэв та тайлагдашгүй нууцлаг зүйлсэд татагдан гэмт хэргийн подкаст шимтэн сонсдог бол уг цувралыг энэ зун үзэх киноны жагсаалтынхаа нэгт оруулаарай.
Уг Америк түүхэн цуврал нь 1975 оны Жэймс Клавелийн зохиолоос сэдэвлэгдсэн. Хэдий Америк түүхэн цуврал гэж тодорхойлогдох ч дүрүүдийн ихэнхийг Япон жүжигчид бүтээж, харилцан яриа япон хэл дээр суурилах нь олонтаа. Нийт 10 ангитай цуврал нь 1600-аад оны Японы хаанчлал болоод улс төрийн төлөөх гэсэн тэмцлийг харуулна. Хөлөг онгоцны багийхантайгаа санамсаргүй байдлаар Япон хүрсэн англи далайчин эр Жон Блактрон киноны өрнөлийг улам сонирхолтой болгон түрэх аж. Хаант улсаа шударгаар сахин хамгаалагч Торанага, дүүжлэгдэх ялтай англи далайчин эрийн хамтрал тэднийг японы 1600-аад оны нийгэмд амьд үлдэх эсэхийг шийдэх юм. Хурдан өрнөлтэй түүхэн баримтат кино сонирхогчид мэдлэгээ Японы түүхэн тэмцлээр тэлэхийг хүсвэл уг киног үзээрэй.
- Baby Reindeer
Кино найруулагч Ричард Гадд уг цувралын зохиолыг өөрийн туулсан амьдралаасаа сэдэвлэн бичжээ. Киноны үйл явдал нь сэтгэл зүйн болон бэлгийн хүчирхийлэлд өртсөн залуугийн талаар түүхийг өгүүлнэ. Гол дүрийн залуу Донни өөрийн ажиллуулдаг барандаа үйлчлүүлэгч бүсгүй Мартатай танилцах бөгөөд тэд хоорондоо үг солилцсоор удалгүй дотносож нөхөрлөнө. Нөхөрлөл нь хайр дурлал руу шилжих үйл явцад гол дүрийн залууд чимээгүй айдас төрж эхлэх бөгөөд гэнэтийн эргэлтүүдээр дүүрэн уг киног үзэхдээ та дэлгэцнээсээ харцаа салгахыг хүсэхгүй нь лавтай.
- Fallout
Дүр сонгон тоглодог ижил нэрт видео тоглоомноос сэдэвлэсэн дэлхийн сүйрлийн дараах энэ цуврал нь Амазон Прайм Видеод зориулагдан бүтээгджээ. Цөмийн бөмбөг дэлбэрснээс болж сөнөсөн дэлхийд ганцаар амьд үлдсэн эмэгтэй дүр яг үнэндээ орь ганцаар биш гэдгээ мэднэ. Гэвч түүний тааралдах хүмүүс итгэж болох аюулгүй хүмүүс үү, өөрийг нь хорлох гэсэн муу санаатнууд нь уу таашгүй. Ирээдүйг зөгнөсөн уг адал явдалт кино нь үзэгчдийн бодолд “хэрэв ингэвэл юу болох вэ” гэх асуултыг төрүүлж, хөнгөн хошин харилцан яриагаараа хааяа тэднийг тайвшруулж ч мөн чадна. Ирээдүйг зөгнөсөн кино үзэхийг хүсэх үедээ хамгийн түрүүнд санавал зүйтэй, дэлхий даяар амжилттай кино цуврал болжээ.
- One day
Бид амьдралыг тодорхой болгох гэж хэчнээн систем, стандарт зохиогоод ч амьдрал бидний хүссэнээр эргэхгүй тохиолдол зөндөө. Амьдралынхаа нэгэн үеийг давчихаад цаашаа хаачихаа мэдэхгүй эсвэл зүгээр л бүх зүйлс тодорхойгүй мэт санагдаж эхлэх үед үзэх кино цуврал бол яалт ч үгүй One Day мөн. Их сургуулийн төгсөлтийн үдэшлэг дээр хоорондоо тааралдах ноомой охин, хайхрамжгүй баян залууг гол дүрүүдээ болгох уг цуврал нь амьдралын тааварлашгүй бүхэнг, тэдний хайр дурлалаар дамжуулан өгүүлнэ. Хүмүүс хоорондын төвөгтэй харилцаа, ажил карьерын тааварлашгүй байдлуудыг хоёул өөр өөр байдлаар нэгэн зэрэг туулах нь үзэгчдэд дотно мэдрэмж төрүүлж, хань болох юм.
Эх сурвалж – https://www.bbc.com/culture/article/20240612-10-best-tv-shows-of-2024-so-far
Бэлтгэсэн дадлагажигч оюутан Э.Номин