Дани улс Өмнөд Солонгосын Самян компанийн хэд хэдэн халуун ногоотой бэлэн гоймонг худалдаанаас татан авсан бөгөөд тэдгээрт агуулагдах капсаицин (халуун чинжүүний идэвхтэй хүчил) нь хэрэглэгчдийг хордуулдаг гэж мэдэгджээ.
Самянгийн бэлэн гоймонгийн гурван төрөл бүхий бүтээгдэхүүнийг худалдаалахыг хориглосон нь одоогоор Монгол улсад ч худалдаалагддаг Булдак бэлэн гоймон юм. Данийн хүнсний агентлаг мягмар гарагт бараа буцаах сэрэмжлүүлэг гаргаж, хэрэглэгчдийг уг бүтээгдэхүүнээс татгалзахыг уриалав. Данийн эрх баригчдыг ийн улсын хэмжээнд арга хэмжээ авахад нөлөөлсөн онцгой үйл явдал болсон эсэх нь одоогоор тодорхойгүй байна.
Данийн Мал эмнэлэг, хүнсний удирдлагын газраас нэг уут бэлэн гоймонд агуулагдах капсаицины хэмжээг “хэрэглэгчдийн ходоодонд цочмог хордлого үүсгэх эрсдэлтэй” гэсэн шинжилгээний хариуг танилцуулсан юм.
Энэ мэдэгдэл нь олон мянган халуун ногоотой хоолонд дурлагсдыг цахим хаягтаа хариу үйлдэл үзүүлэн бичлэг постлоход хүргэж, дэлхий даяар шуугиан тарьжээ. Даничуудыг халуун ногоо тэсвэрлэх чадвар султай хүмүүс байна гэж олон хүн шүүмжлэв.
Самян нь 1960-аад онд бэлэн гоймон үйлдвэрлэсэн анхны компани гэдгээрээ өөрийгөө таниулсан Өмнөд Солонгосын хүнсний томоохон үйлдвэрлэгч бөгөөд одоогийн байдлаар Дани улсаас өөр уг бэлэн гоймонг хориглосон улс байхгүй байна.
Эх сурвалж – https://www.bbc.com/news/articles/cy00gk0kr82o
Бэлтгэсэн дадлагажигч оюутан Э.Номин
