77 дахь удаагийн Каннын кино наадмын үеэр зохион байгуулагчдын ажилтан ирсэн зочдыг арьс өнгөөр ялгаварлан гадуурхсан. Улаан хивсний ёслолын үеэр болсон уг үйл явдлын хохирогчдоор БНСУ-ын дуучин Юун А, Доминиканы жүжигчин Массиэл Таверас, дуучин Келли Роуланд болон Украйны загвар өмсөгч Сава Понта Понтти зэрэг өнгөт арьст эмэгтэйчүүдийг зураг авахуулах боломж олголгүй улаан хивсийг орхин явахыг анхааруулж байсан бол цагаан арьст бүсгүйчүүдтэй энгийн харьцаж байсан юм. Ялгаварлан гадуурхсан гэх эмэгтэйн үйлдэл олны эгдүүцлийг хүргэж, Каннын кино наадмын зохион байгуулалтыг шүүмжлэхэд хүргэж түүнд арга хэмжээ авахыг шаардаж байсан.
Тэгвэл өнгөрсөн долоо хоногт Украйны загвар өмсөгч Сава Понтти Каннын кино наадмын зохион байгуулагчдын эсрэг мөн тухайн ажилтны эсрэг хууль ёсны гомдлыг гаргажээ. Уг гомдолдоо тэрбээр хариу арга хэмжээ даруй авахыг шаардсан ба уучлал гуйхыг хүсч буйгаа илэрхийлжээ. Мөн 150 сая еврогийн төлбөр олгохыг хавсаргасан байна. Учир нь тухайн үйлдэл бол сэтгэл зүйд гүн нөлөөлж цаашид траума болох болох эрсдэлтэй гэж тусгажээ.
