Одоогоос сар гаруйн өмнө хэд хэдэн олны танил хүмүүс одоогийн ЕС Оюун-Эрдэнийг дэмжиж байна гэсэн утгатай ижил үг бүхий пост оруулсан. Тэдний нэг нь сагсчин Санчир. Тэрбээр тухайн үед энэхүү постынхоо талаар энэ бол үзэл бодол, би АН, МАН алийг нь ч дэмжээгүй хэмээн бичлэг хүртэл хийгээд амжсан. Мэдээж сагсчин, дуучин, бөх гээд бүх хүн үзэл бодлоо илэрхийлэх эрхтэй ч бөөн бөөнөөрөө ижил үгтэй пост оруулах нь өөрөө “жинхэнэ үзэл бодол” мөн гэхэд эргэлзээтэй.
Тэгвэл өчигдөр /2024.05.26/ youtube суваг хүртэл нээж тухайн посттой холбоотой хүмүүсийн үзэл бодлыг тэр дундаа “зөвхөн эерэг сэтгэгдэл” хэлсэн хүмүүсийг анхны бичлэгтээ оруулжээ. Гэтэл youtube суваг нээж, бичлэг хүртэл хийж буй нь зүгээр л нэг үзэл бодлоо илэрхийлсэн хэрэг үү? Эсвэл үзэл бодол гэх үгээр халхавчилсан сонгуулийн сурталчилгаа юу?
