Дөрөвдүгээр сарын 24-28-ны өдрүүдэд Олон улсын нохойн холбоо FCI-ээс жил бүр зохион байгуулдаг Дэлхийн нохойн үзэсгэлэн 2024 Хорватын нийслэл Загреб хотод боллоо.
Дэлхийн аварга шалгаруулах тэмцээнээс ХАНГАРЬД гэх энэ монгол банхар өөрийн групт өрсөлдсөн 18 үүлдрийн нохдоос 1-р байр эзэлж, аварга болжээ. Монгол Улсаас Хангарьд, Толигор, Гүен хэмээх улсын аварга гурван нохой оролцсон юм. Эдгээрээс Хангарьд нэртэй нохой 11-р хэсэгт өрсөлдөж 18 үүлдрээс 1-р байр эзэллээ.
