Олон нийтийн дунд ганцаардлын талаарх нийтлэг ойлголт байдгийн нэг нь ганцаараа байхад үүсэх мэдрэмж, бодол гэж үздэг. Гэтэл ганцаардал нь хүмүүстэй байхад ч үүсч болдог зүйл. Тиймээс тухайн хүний онцлог, нөхцөл байдлаас хамаарч өөр өөр байдаг. Тэгвэл ганцаардлыг хэрхэн өөрт ашигтайгаар эргүүлж болохыг сэтгэл судлаачид зөвлөжээ.
-Юун түрүүнд ганцаардал нь хийсвэр зүйл гэдгийг санаарай. Хэрвээ өөрийгөө ганцаарддаг гэж бодвол далд ухамсарт тань нөлөөлж ганцаардлыг илүү мэдрэх болно. Тиймээс өөрийн бодол санаагаа эерэгээр цэнэглэж, идэвхтэй амьдралын хэв маягийг өөртөө бий болгоорой.
-Ганцаардсан үедээ бид зүгээр л буланд шигдэж суухыг хүсдэг байх. Ингэх хэрэггүй. Яаж ч залхуу тань хүрч байсан ч өөрийн хийх дуртай зүйлийг ганцаараа хийж, өөртөө цаг гаргах чухал.
-Ганцаардал нь мөн бүтээлч байдалд чухал үүрэг гүйцэтгэдэг. Жишээ нь: хийж дуусгаагүй ажлаа хийж дуусгах, шинийг олж мэдэх, сурах, сурсан зүйлээ улам сайжруулахад гэх мэтээр ашиглаж болно.
-Өөртөө зөөлөн хандаж сурах. Ганцаардсан үедээ өөрийгөө буруутгах нь танд тус болохгүй. Тиймээс дотоод “яриа хэлэлцээгээ” хязгаарлаж, өөртөө анхаарал тавьж, завсарлага аваарай. Магадгүй байгальд зугаалах, спортоор хичээллэх зэргээр сэтгэл санаагаа өргөж болох юм.
-Аль болох өөрийгөөө завгүй байлгаж одоо цагт амьдрах. Энэ нь үүрд ганцаараа байх мэт онцгүй бодлууд, “тэр надад тэгж хэлсэнд би итгэж чадахгүй байна” гэх мэт өнгөрсөн үеийн сөрөг үйл явдлуудад анхаарлаа хандуулахгүй байхад тань тусална.
Эцэст нь чи бодож байгаа шигээ ганцаардмал нэгэн биш шүү. Чамайг гэдэг хүн хорвоо дэлхийд олон байгаа. Харин ганцаардсан мэдрэмжээ эергээр даван туулах нь л чухал гэдгийг бүү мартаарай.
