YG энтертайнментийн шинэхэн буюу хамгийн сүүлд байгуулсан BABYMONSTER хамтлаг өдөр бүр амжилтаа ахиулсаар байна.
Дөрөвдүгээр сарын 23-нд YG энтертайнментаас мэдээлснээр, BABYMONSTER-ийн дебют дуу “SHEESH” “Melon HOT 100” шоуны 9-р байрт бичигджээ. BABYMONSTER дөрөвдүгээр сарын 1-нд дебют дуугаа цацсан ба долоо хоног тутам чартуудад байраа ахиулсаар байгаа юм.
Хамтлагийн гишүүдийн ур чадвар, хоолойн цар хүрээ хөгжмийн шоу, YouTube контент, эстрада шоуны өвөрмөц амьд тоглолт шүтэн бишрэгчдээ гайхшруулсаар…
“SHEESH” дуугаараа “Melon HOT 100”-аас гадна бусад дотоодын хөгжмийн чартуудад ч өндөрт бичигдэж байна. Харин АНУ болон Billboard Глобал 200 чартуудад 23, 49-р байранд орж өөрсдийн түүхэн дэх хамгийн өндөр зэрэглэлээ тогтоожээ.
Ийнхүү BABYMONSTER өөрсдийн анхны мини цомог гаргасан нь дараагийн тэргүүлэгч К-поп охидын хамтлаг болох таамаглалыг өндрөөр баталж байна.
BABYMONSTER цомог ердөө долоо хоногийн дотор 401,287 хувь борлогдож, К-поп охидын хамтлагийн дебют цомгийн эхний долоо хоногийн борлуулалтаараа шинэ дээд амжилт тогтоосон. “SHEESH” нэртэй дууны клип нь YouTube дээр арван хоногийн дотор 100 сая хандалт авч К-поп охидын хамтлагийн дээд амжилтыг эвдсэн анхны дуу болжээ.
