Арьс, гар хуурайшдаг хавар, зуны улирал ирсэнтэй холбогдуулан та бүхэндээ хэрхэн зөөлөн, булбарай уруултай байх энгийн аргуудаас хүргэхээр бэлтгэлээ. Уруул хатаж, хуурайших нь янз бүрийн шалтгаантай ч ихэнхдээ биед шингэн дутагдах, стресс ядаргаанаас үүдэж ийм болох тохиолдол бий.
Ус сайн уу
Өдөрт уух ёстой хэмжээгээрээ усыг тогтмол уух нь арьс, уруулыг чийгшүүлж, бодисын солилцоо сайтай, эрүүл байхын гол үндэс юм.
Уруулаа гуужуул
Байгалийн гаралтай уруул гуужуулагчийг дэлгүүрээс авч хэрэглэх юмуу эсвэл гэртээ өөрсдөө бэлтгэж хийгээрэй. Хэрвээ өөрөө хийхээр шийдсэн бол танд ердөө наргил модны самрын тос, багахан хэмжээний бор сахар байхад л хангалттай. Мөн өөр арга гэвэл халбага оливын тос, халбага элсэн чихэр, зөгийн бал, халбага кокосын тос, вазелин зэргийг хольж сайтар хутгана. Бэлтгэсэн зуурмагаараа уруулаа зөөлөн илж, гуужуулна. Дараа нь бүлээн усаар угааж, урууландаа тэжээлийн бальзам, чийгшүүлэгч түрхэнэ.
Чийгшүүл
Таны уруул байнга хатаад байвал өрөөндөө агаар чийгшүүлэгч тавиарай. Өрөө тасалгаагаа чийгшүүлж байх нь таны арьсыг хуурайшихаас хамгаална.
Матте уруулын будагнаас татгалз
Матте будаг нь уруулыг хатааж хуурайшуулдаг. Хэрэв түрхэхээр бол чийгшүүлэгч бүтээгдэхүүнийг хамтад нь хэрэглэх хэрэгтэй.
Хүчиллэг, халуун ногоотой хоол унднаас татгалз
Ийм төрлийн хоол хүнс нь уруулны хамгаалагч давхаргыг муутгаж байдаг учир зөв хооллож байхыг хичээгээрэй.
