Нийслэлийн хэмжээнд өнгөрсөн долоо хоногт аврах ажиллагааны тав, гал түймрийн 27 дуудлагаар онцгой байдлын алба хаагчид шуурхай үүрэг гүйцэтгэж, 25 иргэний амь нас, эрүүл мэнд, зургаан тэрбум 90 сая төгрөгийн өмч хөрөнгийг авран хамгаалж ажиллажээ. Ойрын өдрүүдэд нийт нутгаар цаг агаар дулаарч, цас, мөс хайлан, халиа урсах нөхцөл бүрдээд буй тул шар усны үерт өртөж болзошгүй айл өрхүүд урьдчилан сэргийлэх арга хэмжээ авч, сэрэмжтэй байхыг НОБГ-аас анхааруулж байна.
