“Blackpink” хамтлагийн дуучин, гол реппер, бүжигчний үүргийг гүйцэтгэдэг Ким Жэннигийн төрсөн өдөр өнөөдөр тохиож байна. Жэнни 1996 оны нэгдүгээр сарын 16-ны өдөр төрсөн бөгөөд өнөөдөр 28 нас хүрч буй. Тэрбээр айлын ганц охин бөгөөд чинээлэг айлаас гаралтай аж.
2012 оны дөрөвдүгээр сарын 10-ны өдөр “YG”-ын албан ёсны сайт дээр “Энэ охин хэн бэ?” гэсэн гарчигтайгаар Жэнигийн зураг нийтэлж байжээ. Тухайн үед түүний нэр болон насыг нууцалж байсан. Харин 2016 оны зургадугаар сарын 1-нд Жэни YG-ын шинэ охидын хамтлаг болох “Blackpink”-ын гишүүнээр албан ёсоор сонгогдсон байна. Тухайн үед хүмүүс Жэниг хамтлагийнхаа ахлагч болох байх хэмээн таамаглаж байсан ч YG энтертайнментийн зүгээс “Blackpink” хамтлагийг хамгийн анхны ахлагчгүй охидын хамтлаг болно хэмээн зарласан юм.
Жэнни сүүлд HBO сувгийн “The Idol” цувралаар жүжигчний дебютээ хийж, хамтлагаараа Их Британийн эзэнт гүрний хүндэт гишүүний одон медалиар шагнагдаж, уран бүтээлчийнхээ хувьд олон гайхалтай амжилтыг үзүүлсэн юм.
