Ойрын өдрүүдэд ОХУ-ын бүхий л газар нутгаар, мөн Казахстан, Монгол орны хойд хэсгээр хойд туйлын -50-60 градусын хүйтэн агаарын урсгал түрэн орж ирээд байна. Үүний улмаас ихэнх нутгаар эрс хүйтэрч Хангайн нурууны ар, Булнайн нурууны урд хөндий болох Завхан аймгийн Идэр, Тэлмэн, Тосонцэнгэл сумдын нутгаар Пүрэв, Баасан гаригт өдөртөө -32-34 градус, шөнөдөө -42-44 градус хүрч хүйтэрнэ.
Агаарын температураас гадна салхи шуурганы улмаас хүний биед мэдрэгдэх температур шөнөдөө -50-52 градуст хүрэх төлөвтэй байна.
Баруун болон хангайн аймгуудын нутгаар болон дээрх сумдын нутгаар ирэх 10 хоногийн туршид хүйтний эрч хэвээр хадгалагдаж, 12-р сарын 19-20-нд шилжих шөнө дээр дурьдсан нутгаар шөнөдөө -46-48 градуст хүрч хүйтрэх магадлалтай байна.
Иймээс ойрын 10 хоногт баруун болон хангайн аймгуудын чиглэлд аль болох зорчихгүй байх, найдвартай туулц сайтай автомашинаар зөвхөн өдрийн гэрэл гэгээтэй цагт зорчихыг онцгойлон анхаарууллаа.
ЭХ СУРВАЛЖ: ЭНХБАЯР НАМЖИЛДОРЖ