2022 оны 11-р сарын 04-13-ны өдрүүдэд Тайландын Бангкок хотноо “2022 оны Зүүн Азийн аварга шалгаруулах өсвөрийн шатарчдын тэмцээн” амжилттай зохиогдож өндөрлөлөө. Тус тэмцээнд Ази тивийн 12 орны 180 өсвөрийн шатарчид ур чадвар,бүтээлч сэтгэлгээ,оюуны цараараа өрсөлдсөн юм.
Монгол улсаас “Их мастер” шатрын академийн дасгалжуулагч,Их мастер Б.Хатанбаатараар ахлуулсан Монголын шатрын холбооны дэд ерөнхийлөгч Ц.Батболд, Их мастер Г.Мөнхгал дасгалжуулагчтай 16 өсвөрийн тамирчин оролцлоо. Үүнээс манай улсын тамирчид хувийн дүнгээр 10 медаль, Багийн төрөлд 11 медаль нийт 21 медаль хүртэж 2022 оны АСЕАН-ы орнуудын аварга шалгаруулах тэмцээнийг өндөрлүүлсэн байна.
“Их Заргач” клубийн тамирчин Б.Дүүрэнхишиг стандарт буюу сонгодог төрөлд Зүүн Азийн аварга цол хүртэж Монгол улсаас төрөн гарсан Зүүн Азийн аварга цолтнуудын тоог нэгээр нэмлээ.
