Өмнөд Солонгосын BLACKPINK хамтлагийн гишүүн Жэнни анх удаа “Грэмми”-д нэр дэвшлээ. Тэрбээр Tame Impala-тай хамтран гаргасан “Dracula” дуугаараа 69 дэх удаагийн “Грэмми” шагналын хоёр төрөлд өрсөлдөхөөр болсон байна.
АНУ-ын Дуу бичлэгийн академи 2026 оны арваннэгдүгээр сарын 16-нд нэр дэвшигчдийн албан ёсны жагсаалтыг зарласан бөгөөд Жэннигийн хамтран дуулсан “Dracula” нь тус наадмын хамгийн нэр хүндтэй дөрвөн шагналын нэг болох “Оны шилдэг бичлэг” (Record of the Year) төрөлд нэр дэвшжээ. Мөн уг дуу “Шилдэг поп хос/хамтлагийн үзүүлбэр” (Best Pop Duo/Group Performance) төрөлд давхар өрсөлдөхөөр болсон юм.
Энэ нь Жэннигийн хувьд “Грэмми”-д нэр дэвшсэн анхны тохиолдол юм. Тэрбээр BLACKPINK хамтлагийн гишүүний хувиар болон бие даасан уран бүтээлчийн хувиар өмнө нь тус шагналд нэр дэвшиж байгаагүй бөгөөд түүний өрсөлдөж буй “Оны шилдэг бичлэг” төрөлд Тейлор Свифт, Бруно Марс, Оливиа Родриго, RAYE, Розалиа зэрэг алдартай уран бүтээлчид мөн нэр дэвшсэн байна.
