Уран бүтээлээсээ найман жил завсарлага аваад байсан СТА, дуучин Б.Буянжаргал шинэ уран бүтээлээрээ эргэн иржээ. Уран бүтээлчийн хувьд өнгөрсөн хугацаанд хөдөө аж ахуй, газар тариалангийн салбарт хувийн бизнесээ эхлүүлж, тун завгүй яваа ажээ. Гэсэн ч уран бүтээлийн зам мөрөө орхилгүй “Чи миний” дуугаа гаргаж, үзэгч, сонсогч олондоо бэлэг бариад байна. “Чи миний” дууны шүлгийг МЗЭ-ийн шагналт яруу найрагч Т.Дарханхөвсгөл бичиж, аялгууг хөгжмийн зохиолч Цэн.Эрдэнэбат урлажээ. Тус дууны клип нь орчин үеийн технологийн шинэчлэлийг дагаж, хиймэл оюун ухаан ашиглаж бүтсэн нь шинэлэг болжээ.
Дуучин Б.Буянжаргалын Санахгүй л гэсэн юм аа, Саяана, Аялас хийгээд дуулъя, Аавын борлог морьд, Ай даа юу ч гэхэв дээ, Миний Монголын намар, Чамдаа би хайргүй байхын аргагүй зэрэг бүтээлүүд үзэгч, сонсогчдоос өндөр үнэлэлт авсан бөгөөд одоо ч ард түмний хайртай дуунуудын нэг хэвээр байгаа билээ.
Дууг сонсох – https://www.youtube.com/watch?v=bsyAiBLKkqI
