Бид бүгд унтахдаа тохь тухтай, биед эвтэйхэн унтлагын хувцас сонгодог ч олон судлаачид огт хувцасгүй унтсан нь дээр гэж үздэг. Тэгвэл хувцасгүй унтахын давуу талыг танд хуваалцъя.
Чанартай нойр
Гүн, бат бөх нойр нь эрүүл мэнд төдийгүй сэтгэл санаанд хүртэл нөлөөлдөг. Энэ нь бүтээмжийг нэмэгдүүлэх, тархи толгой сэргэг байхад хүртэл чухал гэж ойлгож болно. Мөн нүцгэн унтах үед хүний биеийн температур буурдаг бөгөөд энэ нь унтах чанарыг сайжруулж, тайван амрах боломжийг олгодог.
Арьсны асуудал
Хэрэв таны нуруу, цээж, биеийн бусад хэсэгт батга гарч байвал унтлагын хувцаснаас зайлсхийгээд үзээрэй. Учир нь унтаж байх үед унтлагын хувцас таны арьсыг үрж, цочролыг нэмэгдүүлдэг.
Стресс буурна
Нойр муутай хонох болон дутуу нойртой явснаас цусан дахь кортизолын түвшин алдагддаг. Үүнээс болоод дархлаа буурч, зүрх судасны өвчин, сэтгэлийн хямралд өртөх эрсдэл нэмэгдэж улмаар танин мэдэхүйн чадвар буурдаг. Энэ нь стресс үүсэх шалтгааны нэг юм.
Агаар солилцоонд тустай
Хувцас өмсөөд унтахад арьс амьсгалж чадахгүйд хүрч, бие баригдаж, хөдөлгөөн хязгаарлагдана. Мөн агаар хэтэрхий чийглэг байх тохиолдолд элдэв төрлийн нян, бактери арьсан дээр үржих нөхцөл болж хувирдаг байна. Тиймээс шөнө нүцгэн унтах нь элэг, бөөрөнд ачаалал өгч, цусыг хорт бодисуудаас цэвэрлэн организмд явагдах бодисын солилцоог идэвхжүүлдэг байна.
Мөөгөнцөртөхөөс сэргийлнэ
Хувцасгүй, тэр бүү хэл дотуур хувцасгүй унтах нь эмэгтэй хүний бэлэг эрхтний эрүүл мэндэд сайнаар нөлөөлдөг. Хэрэв эмэгтэй мөөгөнцөрт өртөмтгий нэгэн бол энэ бүр ч хамаатай. Дотуур өмдгүй унтах нь бэлэг эрхтэнд нян бактер, мөөгөнцөр үржихэд саад болдог байна.
Турахад тусална
Унтаж байхад хүний бие дэх стрессийн кортизол дааврын хэмжээ буурдаг ажээ. Харин босох цаг ойртох тусам бие организмд өөрийгөө ирж буй өдөрт бэлдэн, кортизолын хэмжээ эргээд нэмэгдэж эхэлдэг байна. Энэ үйл явц нойрны зөв циклд маш чухал үүрэгтэй бөгөөд хэрэв унтлагын хувцас өмссөний улмаас тавгүйтэх эсвэл хэт халууцаж нойроо хулжаах юм бол организм кортизолыг их хэмжээгээр ялгаруулж, хоолны дуршил нэмэгдэх шалтгаан болдог байна.