Саяхан хийгдсэн шинэ судалгаагаар савласан усанд хэдэн зуун мянган нанопластик агуулагддаг болохыг тогтоожээ. Хүний оршихуйн бүх хэсэгт жижиг хуванцар хэлтэрхийнүүд нэвчиж байгаа тул бид тэдгээрээс зайлсхийж чадах уу гэдэг улам эргэлзээтэй болсоор.
Микропластикууд манай гаригийн өнцөг булан бүрт бараг тархаагүй газар гэж үгүй болоод байна. Энэхүү антропоген материалын өчүүхэн жижиг хэсгүүд нь Антарктидын далайн мөс, далайн хамгийн гүн сувагт амьдардаг далайн амьтдын гэдэс дотор болон дэлхийн өнцөг булан бүрээс ундны уснаас олдсон байна. Саяхны судалгаагаар савласан усанд урьд өмнө тооцоолж байснаас 100 дахин илүү жижиг хуванцар хэсгүүд агуулагддаг болохыг тогтоожээ. АНУ-ын Колумбиа, Ратгерс их сургуулийн судлаачдын хийсэн судалгаагаар дунджаар нэг литр савласан усанд бараг дөрөвний нэг сая нанопластик хэсгүүд агуулагддаг гэж гарсан байна.
Судлаачид худалдаанд буй хамгийн түгээмэл зарагддаг савласан усны брэндийн таван дээжинд дүн шинжилгээ хийж, нанопластикийн хэмжээ литр тутамд 110,000-аас 400,000 хооронд хэлбэлзэж, дунджаар 240,000 орчим байдаг гэдгийг гаргасан байна. Гэхдээ энэхүү нано хуванцарыг залгих нь хүний эрүүл мэндэд ноцтой эрсдэл учруулдаг эсэх нь одоогоор нарийн тодорхойгүй байгаа аж. 2019, 2020 онд ДЭМБ-аас хийсэн шинжлэх ухааны нотолгооны томоохон тойм нь микропластик хэрэглэх эсвэл амьсгалах нь хүний эрүүл мэндэд эрсдэл учруулдаг эсэхийг тодорхойлох судалгаа хэтэрхий бага хэвээр байна гэж дүгнэжээ.
- ДЭМБ-аас хүний хордлогыг бууруулахын тулд хуванцар бохирдлыг бууруулахыг уриалав.
- Микропластикууд таны хоолонд хүртэл байдаг
Хуванцар нь зөвхөн усанд байдаггүй. Тэд мөн газар тариалангийн талбайд өргөн тархсан байдаг бөгөөд бидний идэж буй хоол хүнсэнд ч орж болно.
Их Британийн Кардиффын их сургуулийн судалгаагаар жил бүр Европын тариалангийн талбайг 86-710 их наяд микропластик тоосонцор бохирдуулдаг болохыг тогтоожээ.
Эх Сурвалж: bbc.com
