Харшлын өвчнүүд дотор улирлын шинж чанартай нь дийлэнх хувийг эзэлдэг. Тэр дундаа ургамлын тоос, тоосонцор, нарны харшил нь зуны улиралд эрчимждэг бол өвөл буурч, шинж тэмдэггүй болж намждаг.
Нарны харшил гэдэг нь нарны хэт ягаан, хортой туяаны нөлөөлөл арьсны эсүүдийн хамгаалах чадвараас давж гарснаас болж үүсдэг. Нүүрний төвгөр хэсэг буюу хацар, хамрын арьс, гар мөр шуу, хүзүүний хэсгээр улайж гөвдрүүт тууралт гарах байдлаар эхэлж ажиглагддаг. Хүндэрсэн тохиолдолд цэврүүнцэр тууралт гараад, хагарч эдгэхээрээ соривжилт үүсэх хандлагатай байдаг учир хүндрэхээс нь өмнө арга хэмжээ авах шаардлагатай.
Үндсэн зовиур шинж тэмдэг (PCSS):
- Арьс хуурайшиж, улайж, халуу оргих, загатнах, хавдах, улаанаар туурах, жижиг гүвдрүү /bumps or tiny papules/ үүсэх, цэвэрүүтэх
- Чонын хөрвөш үүсэх
- Арьс хавагнах
- Арьсны үрэвсэл зэрэг
Озоны давхрага цоорсноос үүдэн нарны хортой туяа ихэссэн учир зөвхөн хүн төдийгүй амьтан ургамалд ч сөрөг нөлөө үзүүлдэг.
-Нарны харшлаас сэргийлэх нь:
- Хэт задгай хувцастай явахгүй байх
- Үдийн халуун буюу 12-16 цагийн хооронд гадаа явахгүй байх
- Хөвөн даавуун хувцас өмсөх
- Нарны өндөр хамгаалалттай тос хэрэглэх
- Мэргэжлийн эмчийн зааврын дагуу аршлын эсрэг эм уух, зарим тохиолдолд арьсан дээрээ дааврын тос түрхэх
Зайлсхийвэл зохих хүнсний бүтээгдэхүүнүүд: Хагас боловсруулсан хоол, хүнс, хурц амтлагчид, нөөшлөгчтэй хоол, саахар, чихэр орлуулагч, өнгө оруулагч, туурам, даршилсан /pickled foods/, утсан, шарсан, хуурсан махан хоол, архи, дарс, тамхи, янз бүрийн чипс, лаазалсан хоол, түргэн хоол, хар, улаан перец, торт, хэт боловсруулсан хоол, буудайн дээд гурил, түүгээр хийсэн бүтээгдэхүүн.
Химийн бодистой хүрэлцэх, биеийн эсэргүүцэл сулрах зэрэг нь нарны харшилтай болоход нөлөөлдөг учраас үнэртэй ус, халдваргүйжүүлэгч бодисуудаас зайлсхийх хэрэгтэй.
