image

CALL ME #SUKHBAATAR | ЭЕРЭГ ХАНДЛАГА ХҮНДЛЭЛЭЭС ЭХЭЛДЭГ

Энэ удаагийн CALL ME “.....” булангийн зочноор агрономич, хөдөө аж ахуйн шинжлэх ухааны докторант Пүрэвжавын Сүхбаатар оролцлоо.

- Хэрэв таныг өөрийгөө ганцхан үгээр тодорхойлох гэвэл?

- Тусч.

Би бусдад туслах дуртай. Эцэг эхээс минь үлдсэн унаган чанаруудын нэг. Айлын бага болохоор ах, эгч минь надад байнга тусалдаг. Тэгэхээр би эргээд бусдад туслах ёстой гэсэн суурь хүмүүжил байдаг.

- Таны бага нас хаана өнгөрсөн бэ гэх асуултаар ярилцлагаа эхэлье?

- Миний бага нас Зайсан толгойн өвөрт өнгөрсөн дөө. Намайг хүүхэд байхад Зайсан толгой нь тусгай хамгаалалттай дархан цаазат газар. Нөгөө талаараа хотын хөдөө гэж нэрлэгддэг, урд хэсгээрээ модтой задгай тал байлаа шд. Харин одоо бол танигдахын аргагүй өөрчлөгдөж, Улаанбаатар хотын элит төвшний иргэд амьдардаг газар болчхож. Би багадаа хурдан морины унаач хүү байлаа. Манай аав Зайсанд морь уядаг. Адуунд дуртай, хайртай, малын буянтай ухаалаг хүн л дээ. Тиймдээ ч намайг морь малтай ойр өсгөсөн юм. 1995 онд Ардын хувьсгалын 74 жилийн ойн, улсын их баяр наадамд их насны морь унаад 74-т орж байсан азтай хүүхэд.

ХУД-ийн аль сургуулийг төгссөн бэ. Ямар сурагч байв?

- Их л нийгмийн идэвхтэй байсан даа. Багаасаа л ангийн дарга хийсэн. Их сургуульдаа ч бас. Тоглоом болгоод хэлбэл миний нийгмийн албан тушаал бол ангийн дарга. Одоо ч ангийн даргаас буугаагүй л явна. Намайг сурагч байх үед 75 дугаар сургуульд үйлдвэр кабинетад амьдардаг хүүхдүүд сурдаг байсан юм. Зайсангийн хүүхдүүд бол 32 дугаар сургуульд явах хуваарьтай. Гэхдээ би хөдөөний хүүхдээрээ дуудуулан барин гүүр давж 75 дугаар сургууль руу явдаг. Ер нь л миний багын хоч нь хотын хөдөөд амьдардаг хүүхэд юм уу даа.

- Агрономич бол тэр болгон түгээмэл сонгодог мэргэжил биш. Яагаад энэ сонголтыг хийсэн бэ?

- Энэ мэргэжлээр сурах болсон шалтгаан нь ээжтэй минь холбоотой. Яг үнэндээ би агрономич гэдэг мэргэжлийг төсөөлж ч байгаагүй. Дунд сургуулиа төгсөөд анагаахад орж, эмч болно гэсэн дүүрэн тэмүүлэлтэй. Химийн хичээлээ давтаад л. Гэтэл 2005 онд конкурс өгөв өө. Тухайн үед элсэлтийн шалгалт гэдэг том өрсөлдөөн байсан юм. Анагаахын 105 хуваарь дээр 1570 хүүхэд өрсөлдөж байсныг би их сайн санадаг. Би энэ дунд өрсөлдөж 90 оноо аваад, улаан шугамаас 10 хүүхдийн дор жагсаад  хүссэн сургуульдаа орж чадаагүй. Тэгээд л Хөдөө аж ахуйн их сургуульд химээр шалгалт өгөөд бараг л нэгээр гарч ирсэн. Мэргэжлээ сонгохгүй 14 хоног явсны дараа ээж маань агрономийн ангийн хуваарь авчихсан.

- Өөр ангид орох бодол төрөөгүй, шууд л ээжийнхээ үгэнд орсон юм уу?

- Ээжээ, би энэ мэргэжлээр сурмааргүй байна гэдгээ би хэлсэн ч ээж тоогоогүй. Агрономи гэдэг бол хүний хүнс үйлдвэрлэгч. Нэгийг арав болгодог мэргэжил. Үүгээр сурсан байхад миний хүү алзахгүй. Эмч хүн бол хүнийг өвдсөн хойно нь эмчилдэг. Харин агрономи бол хүнийг өвдөхөөс нь өмнө хоол хүнсээр нь дамжуулж эрүүл байлгах үүрэгтэй гэж учирласан. Тухайн үедээ би ойлгохгүй, явахгүй гэж их зүтгэсэн л дээ. Ээж “чи сурах дургүй юм бол ах дээрээ очиж барилгын туслах ажилчин хий дээ” гэсэн. Тэгээд л маргаашаас нь хичээлдээ явсан даа. Одоо бол мэргэжлийнхээ үр шимийг хүртээд, сэтгэл хангалуун явдаг. Огтхон ч алдаагүй сонголт гэж би боддог.  

-  Ажлын гараагаа хаанаас эхэлсэн бэ?

- ХААИС-ийг төгсөөд ХУД-ийн Тамгын газарт нийгмийн ажилтнаар орсон байдаг. Яагаад ч юм миний хийж байсан ажлууд нийгмийн салбартай холбогддог. Дараа нь 2013 онд 27 настайдаа Австри дахь НҮБ-ийн цөмийн энергийн агентлагт судлаачаар очиж байлаа. Дөрвөн жилийн дараа буюу 2017 онд ирээд Хөшигтийн хөндийн нисэх онгоцны буудалд ландшафтын инженерээр хоёр жил ажилласан. Одоо онгоцны буудал ашиглалтад ороход бэлэн болсныг та мэдэх байх. Харин одоо бол ХААИС-ийн харъяа Мал аж ахуй, эрдэм шинжилгээний хүрээлэнд төслийн судлаачаар ажилладаг.

Эргээд бодохнээ, эх орноо төлөөлөх болох томоохон бүтээн байгуулалт, төсөл хөтөлбөрт гар бие оролцож чадсандаа баярлаж явдаг.

- Улс төрд орсон залуу хүнийг эерэгээр хүлээж авах хүн цөөхөн байдаг шүү дээ?

- Улс төр бол харилцаа. Хүссэн хүсээгүй нийгэм бол хамтаар амьдрах институт. Энэ харилцааны буруу ойлголцол, болохгүй бүтэхгүй байгаа болгон нь улс төрдөө байгаа юм биш. Хувь хүнээсээ гараад байгаа асуудал. Тэрнээс биш аль ч нийгэмд улс төр байна. Мөн дээр нь бусдын төлөө өөрийгөө зориулж чадах хүн л энэ салбарт байх ёстой гэж би ойлгодог.

Бусдыг биеэрээ төлөөлнө гэдэг маш том буян. Гэхдээ гаргаж буй үйлдэл нь зөв байх ёстой. Хэлсэн, амласан зүйлдээ хүрэхийг үйлдэл гэдэг. Хэлсэн, ярьсандаа байх нь хүний хамгийн том авууштай чанар байх.

- Хандлага. Энэ үг сүүлийн үед хувь хүнийг тодорхойлох том хэмжүүр болоод байна. Таны хувьд эерэг хандлага гэж юу вэ?

- Хандлага гэдэг нь харилцаж байгаа хүнээ ойлгох шүү дээ. Хэрэв ойлголцож чадахгүй бол хоёр тийшээ болно. Эерэг хандлагын хамгийн эхний зарчим бол нэгнийгээ хүндэтгэх. Хүн өнөөдөр хэн ч байсан болно. Гагцхүү хүн гэдэг талаас нь харж хүндлэл үзүүлэх ёстой. Хүндлэлээс хүндлэл үүсдэг.

- Таны бодлоор аз жаргал гэдэг зүйл юугаар тодорхойлогддог вэ?

- Гэр бүл, эрүүл мэнд. Үүнээс өөр төгс төгөлдөр аз жаргал гэж үгүй.

Өөртөө итгэх итгэл нь хүнийг амжилтад дагуулах хамгийн том хөшүүрэг.

- Шинэ үеийн залуусыг та хэрхэн дүгнэж байна вэ?

- Надаас 5,10 насаар дүү залууст хандлага, харилцааны тал дээр тааруухан байна. Адаглаад хүн “сайн байна уу” гэхэд хариулах чадваргүй залуу олон байна. Яахав, сонгуультай холбоод хэлье. Би таныг төлөөлөхийг хүсч байна гээд өөрийн хөдөлмөрөөр бэлдсэн бяцхан танилцуулгаа өгөх гээд очиход мөрлөөд, дайрах нь холгүй зөрж байна. Иймэрхүү хандлага сүүлийн үеийн залуус байх ёсгүй байх. Харилцаандаа анхаараарай л гэж хэлье дээ.  

- Та ямар маркийн утас хэрэглэдэг вэ?

IPHONE

- Улаанбаатар хотын аль хэсэгт очих дуртай вэ?

ЗАЙСАН ТОЛГОЙ

- Олон нийтийн мэддэггүй таны нууц авъяас?

ЮМ ОЁХ

- Ямар үндэстний хоолонд дуртай вэ?

Бүх хоолыг идэхийг хичээдэг

- Сонсох дуртай рэппэр эсвэл дуучин?

НИКИТОН

- Юунаас айдаг вэ?

МОГОЙ

- Хамгийн их хэрэглэдэг гурван аппликэйшн?

E BANK, FB, VIBER

- Ширээний ном?

Ногоон нүдэн лам

- Ямар ч тохиолдолд мөнгө харамлалгүй авдаг зүйл?

Охиндоо авч өгөх бүх зүйл

- Хүндэлж явдаг олны танил хүн?

Багш нарыгаа

Бэлтгэсэн - М.Баасандэлгэр

0 Сэтгэгдэл:

Сэтгэгдэл илгээх

Image 12
01

Төрсний дараа би хэрхэн хэвийн жиндээ очсон бэ | Төрсний дараа асуудлыг харах сэтгэлзүй чухал

- Жирэмслэлтийн явцад хэвлийн булчингийн хуваагдал гэж үүссэн байдаг. Төрснөөсөө зургаан сарын дараагаас эхлэн тэр булчинг нийлүүлэх дасгал хийх шаардлагатай. Тус булчинг нийлүүлэх дасгал хийлгүйгээр шууд гэдсэндээ дасгал хийх нь хүссэн үр дүнг тань огт өгөхгүй. Интернетээс хайвал тэр дасгалуудыг маш олон хүн заасан байдаг. Мөн гэрийн нөхцөлд олсонд өдөрт 10 мин үсрэхэд хангалттай их сайн өөх шатаадаг. Бид эхлээд нэмсэн өөхөө шатаах хэрэгтэй шүү дээ.

Цааш үзэх
Image 11
30

Б.Юмжирмаа: “Сэтгэшгүй Болор Эх” сан бол одоогоо өөрчилж, ирээдүйдээ хөрөнгө оруулалт хийх боломж

POSITIVE TALK энэ удаагийн ярилцлагын зочноор “Сэтгэшгүй Болор Эх” сангийн үүсгэн байгуулагч, Экологич, биологич Б.Юмжирмаа урин оролцуулж байна. Хүн бүр л өөрийгөө хөгжүүлж нийгэмдээ эерэг зөв хандлагатай иргэн байхын төлөө хичээдэг шүү дээ. Тэгвэл бидний ярилцлагаас магадгүй яг танд хэрэгцээтэй үйл ажиллагааны чиглэл болон хамт олныг олж болох боломжтой юм.

Цааш үзэх
Image 11
24

М.Амина: Эр хүнийг хүндэлж чаддаг эмэгтэй бусдаас илүү аз жаргалтай амьдардаг

Одоогийн нийгэм хэт материаллаг зүйл дээр төвлөрөөд, хүн хоорондын амьд харилцаа алдагдаж, бид үргэлж хиймэл баг зүүдэг болсон гэхэд хилсдэхгүй. Үүнийг би Бага байхаасаа л мэдэрдэг байсан. Дунд сургуулийн сурагч байхдаа хэтэрхий нээлттэй, байнга инээмсэглэж явдаг.

Цааш үзэх
Image 11
09

"Японд сонин тараах ажлыг 18 сар хийж байлаа, одоо зорьсон сургуульдаа тэтгэлгээр суралцаж байна"

Японд ирсэн зорилго минь хэлээ сайжруулж, мастерт сурах байсан. Ямартай ч унан босон явсаар Японы их сургуулиуд дотор нэр хүндтэйд тооцогддог Токиогийн гадаад судлалын их сургуульд элсэн, одоо сард 4.800.000₮-ийн тэтгэлэгтэйгээр суралцаж байна.

Цааш үзэх