image

#SHUUDAN | Ээж архи уугаагүй өдөр миний ажил бүтдэг

Би хичээлээ тараад гэрлүүгээ алхахдаа нэг л зүйлийг шаналан, түгшин байж боддог оюутан байлаа ...

Гэртээ үлдсэн ээж минь эрүүл байгаа болов уу, эсвэл архи уучихсан болов уу гэж. Бусад хүүхдүүдийн аав нь архи ууж ээжийг нь зовоодог бол манайд ээж минь архи уудаг. Дэлгүүрээс архи худалдаж аваад ганцаараа уучихдаг. Хэнтэй ч хамаагүй архи уудаг. Өгсөн болгоныг нь татгалзалгүй балгачихдаг. Намайг арван жилд байхад ээж минь архи огт амсдаггүй байсан юм. Анги дэвших тусам ээж бага багаар архи ууж, агсам тавьдаг болов. Оюутан болсны дараа нэг уухаараа долоон хоног, хааяадаа 10 хоног дараалан ууна. Эхэндээ дэлгүүрээс архи зээлдэг байсан бол сүүлдээ ээмэг, бөгж, гар утсаа ломбардана. Халаас, дэл сул мөнгө тэсгээхээ больж, би орой унтахдаа ээжээсээ мөнгөө нуудаг болсон. Үнэндээ ээж минь яагаад ийм болсныг би ойлгодоггүй. Уг нь манайд хоол унд, мод нүүрс, хүний хэрэглээ бүгд байдаг. Тансаг зэрэглэлийн биш ч гэлээ ядуу ч биш. Хүн гутарсандаа архи уухаар дайны хэцүү гэж би лав боддоггүй. Магадгүй сэтгэлийн шаналал, удаан бугласан гомдол байдаг байх. Уг нь миний ээж ажилд жигтэйхэн сайн. Гэхдээ сүүлийн таван жил ажилд орж анхны цалингаа аваад л архи ууж дампуураад хөөгдчихнө. Архи уудгаасаа болж хүмүүст зарагдаж, дээрэлхүүлж, өөрөө гэмтэж бэртэхийг нь харах ямар хэцүү гээч. Заримдаа архи уухаараа гэртээ ирэхүй, олон хоногоор сураггүй алга болчихно. Араас нь эрэл сурал болж олж ирнэ. Хааяа өөрөө ороод ирнэ. Яах гэж намайг хайсан юм, би яав л гэж, хэн хай гэсэн юм гээд л уурлана. Согтуудаа намайг харааж, тэсэхийн аргагүй үгээр хэмлэж, хөөж доромжилно. Би хэд хэдэн удаа тэсгэл алдаж ээжийгээ цохиж, заримдаа гартаа тааралдсаныг шидэж, түлхэж унагааж байсан. Энэ бүхнийхээ үйлийн үрийг би алхам тутамдаа амсдаг. Тиймдээ ч ээжээс өөр асуудал, хүнд өдөр таарахад шүд зуугаад тэсдэг. Уг нь би ээжийгээ бүх зүйлийн нэгдүгээрт тавьж, байгаа бүхнээ зориулахыг хичээдэг. Арван жилээсээ эхэлж ажил хийж, оюутан байхдаа ээждээ цагаан сарын идээг нь бэлдэж өгч байлаа. Сургуулиа төгсөөд ажилд орсон. Би одоо ч хангалттай сайн яваа. Цалингаа аваад ээжийнхээ бүх дуртай зүйлийг аваад гэртээ ороход гэр хүйтэн. Архины үнэртэй харанхуй гэр намайг угтахад өөрийн эрхгүй хоолой зангирдаг. Гэртээ жижигхэн ч гэсэн шинэ юм аваад ороход хагас галзуу ээж минь шүлсээ үсчүүлэн орилж, хаа хамаагүй зүйл ярьж уйлан дуугарах үед үхчихмээр л санагддаг. За өнөө орой ингээд хоног. Өглөө архи нь гарна даа гээд орондоо орно. Өглөө нь согтуу ээж минь орондоо элий балай зүйл ярьж, хүн харахын эцэсгүй муухай төрхтэй угтдаг. Яг энэ үед би төрөөгүй ч болоосой гэж боддог. Хааяа нэг ээж эрүүл байх үеэр нар минь гардаг. Ээж гэртээ эрүүл байгаадаа гэж бодохоор ажил минь бүтдэг. Санаа амарч, бүх зүйлийг хийж чадна гэсэн итгэл төрдөг. Гэрлүүгээ харихын хүслэн болж, ээжийнхээ гарын хоол руу яаран гүйдэг. Цайны сүү, талх, боорцог аваад хаалгаа татлаа. Ээж минь согтуу хэвтэж байна.

Дотор минь нэг л бугласан том хүндүүр, битүү хар юм байгаа юм шиг ... 

1 Сэтгэгдэл:

  1. ene hunii setegliin zowlongiin yadaj yariltsaadch hamaagui nemegleh yumsan 😭😭

Сэтгэгдэл илгээх

Image 11
24

МОНГОЛЫН БОГИНО ӨГҮҮЛЛЭГИЙН МАСТЕРЫН 10 БОГИНО ӨГҮҮЛЛЭГ

Монголын богино өгүүллэгийн мастер гэгддэг их зохиолч Ж. Лхагва 1942 оны 3-р сарын 18-нд Дорноговь аймагт төржээ. Тэрбээр “Саарал даага”, “Толгодын цаана ингэ буйлна”, “Ахыг дагасан хүн”, “Сарны шороо”, “Хулангийн тоос”, “Атга чулуу”, “Алаг чулуу”, “Дутуу хөрөг”, “Арвын Б-гийн тэнэг”, “Шөнө ногоо ургадаг” зэрэг ном хэвлүүлсэн бөгөөд олон тооны дэлгэцийн бүтээл туурвисан, орос, украин, испани хэлнээс орчуулга хийдэг байжээ. Тэрбээр багадаа гоё өнгийн чулуу түүж тоглодог байсан бол өсөж том болоод амьдралаас түүсэн чулуугаа ном болголоо хэмээн өгүүлсэн байдаг. Монголын утга зохиолын сор болсон их хүний амьдралаас түүсэн арван “чулууг” хамтдаа сонирхоцгооё.

Цааш үзэх
Image 11
16

ТАХЛЫН ҮЕИЙН ТЭМДЭГЛЭЛ | Дүрэм зөрчихгүй ажлаа урагшлуулъя

Нэг ч хямарсан хүн алга. Яг энэ үед би дэлхий нийтийг хамарсан аюулт цар тахлын үеийг давж, хөл дээрээ амжиллтай боссон старт ап бизнесийг бүтээе гэж зорьсон юм. Чадна гэсэн итгэл төрөх үед нийт ажлын 50 хувь биелдэг. Би гэрээсээ гарахгүй ээ. Төр засгаа ч буруутгахгүй. Сошиал дээр зовлон тоочихгүй. Хийцгүйрч орон дээрээ өнжихгүй. Алив, босцгоо. Дүрэм зөрчихгүй ажлаа урагшлуулъя.

Цааш үзэх
Image 11
16

ТАХЛЫН ҮЕИЙН ТЭМДЭГЛЭЛ | Цаг хугацааны юунд найдах, юунд тэмцэх

Цаг хэд болж байна вэ? Хэд болж байгаа нь хамаатай ч биш дээ. Халуун чацарганын шүүс хандлахаар тавьчихлаа. Энэ хооронд юу хийхээ бодолгүйгээр, юу хийхээ эрж хайх нь тэр.

Цааш үзэх
Image 10
26

Монголын одот тэнгэрийг аялал жуулчлалын баялаг болгох нь миний мөрөөдөл

Манай монголын тэнгэр, одод ямар үзэсгэлэнтэй гэж бодож байна. Хөдөө би тооноор од харж унтах дуртай хүүхэд байсан. Од харж орчноосоо тасарч, мөрөөдлөө боддог. Монголын тэнгэрийн одод унаж ирэх гэж байгаа юм шиг, тэнгэр дүүрэн үзэсгэлэнтэй одтой. Тэр тусмаа говь, цэлгэр тал газар дээшээ харахгүйгээр хажуу тийшээ харахад л гялтганасан одод харагддаг. Монгол орон минь өргөн уудам тэнгэртэй.

Цааш үзэх