Ковидгүй зун гэсэн үү, Зунгүй ковид гэсэн үү?

# Зуны зургаан сар ирчихээд байхад нойтон цас ороод хүйтэн салхи салхилаад байсан болохоор аргагүй манайхан ингэж хошигножээ. Гэхдээ өчигдрөөс /06.03/ хойш аюулын дулаахан байна уу даа. Өнөөдөр /06.04/ гэхэд л өдөртөө 23 хэмийн дулаантай байна. Их хотын амьдрал түм түжигнэж бум бужигнасан... Ийм дүр зураг хараагүй удсан болохоор сайхан байлаа. Гэхдээ л өнөөх коронавирусийн өвчлөл 1000-аа хол давж эрдэнэт хүний амь эрсдсэрээр... Энэ цаг үед иргэн бүр дор бүрнээ эрүүл мэндээ сахин хамгаалаарай... 

# Залуус нийслэлээ чимэхээр холхилдоно. Тэдний үзэл бодол, харилцаа хандлага цаанаа л эерэг болсон нь мэдрэгдэж байгаа биз...

# Нээрээ, тав хоногийн дараа л Монгол Улс дараагийн ерөнхийлөгчөө сонгох гэж байгааг онцлох нь зүйтэй байх. Залуус үнэт сонголтоо үнэ мөнгөөр бүү худалдаасай гэж хүсч байна. Мөн миний сонголт ч чинийх шиг үнэ цэнтэй гэдгийг ухамсарлан бие биендээ хүндэтгэлтэй хандаж байя!!!

# Өнөөдөр хаа нэг тийшээ гарсан уу? Амтат сүүн зайрмаг ирсэн байсныг харсан уу? Албан ёсоор зун ирсэн юм шиг л санагдаж байгааг нуух юун... :)) Амны хаалтаа марталгүй зүүж, олон нийтийн газар явахдаа хүн хоорондын зайгаа баримтлан дуртай бүхнээ амтархан идээрэй...