image

Монголын одот тэнгэрийг аялал жуулчлалын баялаг болгох нь миний мөрөөдөл

HumanZ сайтын уншигч та бүхэндээ хөдөөний  малчин хүү, арлын Япон улсад тэтгэлгээр сурч, өөрийн дуртай зүйлээ мөрөөдлөө болгон, мөрөөдлөө ажил болгож хэрхэн өөрийн компаниа байгуулж ажиллаж, амьдардаг талаар #SHUUDAN булангаараа захидал болгон хүргүүлж байна. 

Сайн уу намайг Б.Энхтүвшин гэдэг. Би одон орны аялал жуулчлалын "Dark Sky Mongolia" компаний үүсгэн байгуулагч. Хүний дуртай зүйл, хүмүүсийн хүсэж буй зүйлийн нэгдэл гэдэг юунаас ч илүү хүчтэй. Тиймээс би компаниа байгуулж чадсан.

Манай монголын тэнгэр, одод ямар үзэсгэлэнтэй гэж бодож байна. Хөдөө би тооноор од харж унтах дуртай хүүхэд байсан. Од харж орчноосоо тасарч, мөрөөдлөө боддог. Монголын тэнгэрийн одод унаж ирэх гэж байгаа юм шиг, тэнгэр дүүрэн үзэсгэлэнтэй одтой. Тэр тусмаа говь, цэлгэр тал газар дээшээ харахгүйгээр хажуу тийшээ харахад л гялтганасан одод харагддаг. Монгол орон минь өргөн уудам тэнгэртэй.  

No description available.

Би хөдөөний хүүхэд. Архангайн Ихтамирт төрж өссөн. Миний үед хөдөөний хүүхдүүд малаа маллангаа хичээл сургуульдаа явдаг байсан. Би ч тэгж л өссөн дөө. Өглөө босоод үнээгээ саана, хонь малаа бэлчээж, хажуу айлдаа даатгачхаад хичээлдээ яваад буцаж ирдэг байлаа. Тэр үед хөдөөний хүүхдүүдэд хоёр зам мөр байдаг байсан. Наймдугаар анги төгсөөд жоохон тааруу сурсан улаан шугамын доор жагссан хүүхдүүд мал дээрээ үлдэх эсвэл МСҮТ-рүү явдаг байсан юм. Сайнууд нь дэвшээд явна. Би ч нээх онц сурдаг хүүхэд байгаагүй л дээ. Гэхдээ улаан шугамын дээгүүр жагссан. Тэр үед би эмээдээ Манайх хүн бүл муутай, өчнөөн олон жил уламжлагдаж ирсэн мал ахуйгаа дагаад би малчин болъё гэж хэлсэн юм.Би бодохдоо эмээг их гоё хүлээж авна гэж бодтол эмээ минь Нэгдлийн үед Монгол улс мал аж ахуйн орон байсан. Нэг шуурга болоод малгүй болсон ч маргааш нь нэгдлээс мал аваад амьдрах боломжтой байсан. Одоо байгаль их ширүүн болсон, чи малгүй болох л юм бол ядуу нэгэн болно. Тиймээс чи хот руу явж, чамаас хэн ч авч чадахгүй эрдэм боловсролыг эзэмших хэрэгтэй гэж хэлж байсан юм. Тэгээд л би эмээгийн хэлснээр хот руу сурахаар явж байсан. Хотод анх очоод өндөр байшин барилгууд гээд эхэндээ гоё л байсан. Би чинь хөдөө өсөж, торнисон хүүхэд юм болохоор удалгүй хөдөөрүүгээ буцмаар санагдаж эхэлсэн л дээ. Яг тэр үед ээж надад ЕБС-д сурч байхаар мэргэжил олгох, амьдралд арай хурдан гарах зүйл сонгосон дээр биш үү гэж асуугаад ,би зөвшөөрч бид хоёр нэг сургууль руу очиж байсан юм. Хуучин соёлын дээд сургуулийн, мэргэжлийн боловсролын сургуульд очсон. Олон ангиуд дундаас аялал жуулчлалын анги гэдэг сонголт миний нүдэнд туслаа. Би нарийн сайн мэдэхгүй байсан ч хар ухаанаар бол ямартай ч хөдөө явах байх, аялах юм байна. Хүмүүстэй танилцана, гадаад хүмүүсд өөрийнхөө нутаг орноо танилцуулах юм байна гэж бодоод шууд л тэр ангийг сонгоод, шалгалтаа өгөөд тэнцчихсэн. Манай сургуульд Япон хэлний хөтөч орчуулагчийн анги шинээр нээгдэж байгаа гэдгийг эрхлэгч надад хэлээд энэ ангид орох уу гэж санал болгосон юм.

Би гуравдугаар анги байхдаа анх удаа гадаад хүн, (Япон өвөөтэй) таарч байсан юм. Адилхан хүн байгаад байдаг, тэгсэн хэрнэ өөр хэлээр яриад, өөр соёлтой байсан нь надад их л сонин гоё санагдаж байлаа. Япон хэл гоё аялгуутай сонсогдоод, би том болоод өөрөө энэ хэлийг нь сурчхаад ярилцах юмсан гэж бодож байсан дурсамж минь сэдрээд эрхлэгчийн санал болгосон ангид орж байлаа. Бидний хичээлд хэрэглэгддэг Япон ханзны толь бичгийг анх аваад нээж үзтэл, миний багадаа уулзаж байсан Япон өвөөгийн редакторласан ном байж таарсан. Тэр нь их гоё санагдаж байсан. Яг хувь тавилангаараа л явж байгаа юм шиг. Гурван жил сурахаас би эхний хоёр жил нь яг үнэнийг хэлэхэд хичээлээ хайхардаггүй, пс тоглодог, хааяа хичээлээ таслаад унтчихдаг байсан.

No description available.

Маргаашийг бодож шаналалгүй зөвхөн өнөөдөртөө хамгийн сайнаараа хичээгээрэй

Нэг өдөр би амьсгалж чадахгүй давчдаад хэцүү болсон. Учир нь энд тэнд хүмүүс ингэж үхлээ, энд аюул осол боллоо гэсэн мэдээ үзсээр байгаад хүн ер нь төрөөд ингээд л үхчих юм бол яах гэж төрдөг юм бол гэж байнга бодож шаналж, явсаар нөгөөдөх буглаад хэцүүдсэн нь тэр. Гэр бүлийхэндээ хэлэх хэцүү. Сургуулийн сүүлийн жил манай сургуульд Япон багш ирсэн юм. Тэр багш маань Япон хэлээр миний яриаг их сонсдог байсан. Тиймээс би багшдаа өөрт төрж байгаа мэдрэмжээ хэлтэл Хүнд тийм үе байдаг, надад ч гэсэн байсан. Чи өөрийн амьдарч буй өдөр болгоныг чухалчилж амьдрах хэрэгтэйгэж хэлсэн. Энэ үг их энгийн хэрнээ надад тэр үед агаар шиг л хэрэгтэй байсан. Яг энэ үгийг сонсоод би маргаашаас нь л шууд өөрийгөө өөрчилсөн. Өглөө бүр таван цагт босож, галаа түлнэ, хоолоо хийж, гэрээ цэвэрлэчхээд, тасганы овоо хүртэл гүйдэг. Амьдарч байгаадаа баяртай байна гэж өөртөө өдөр бүр хэлдэг болсон. Манай гэрийнхэн хичээлээ хийгээч гэж загнадаг байсан бол бараг унтаачээ гэж уурлах нь холгүй болсондоо. Хүнээс уучлалт гуйх, баярласнаа илэрхийлэх бол яг л тухайн цаг мөчдөө илэрхийлж маргааш байхгүй ч байж магад гэсэн сэтгэлээр бүх зүйлд хичээж, хичээлээ таслалгүй хийж, маргаашийг бодож шаналахгүй өнөөдөр л амьдрах юм шиг бүх юмыг амжуулах гэж хичээдэг болсон. Би Япон хэлэндээ гайгүй байсан ч бусад хичээлээ сайн давтдаггүй байсан болохоор тааруу сурдаг байлаа. Гэхдээ би хичээсний үр дүнд төгсдөг жилээ сургуулийнхаа шилдэг оюутан болж байсан.

Мөнгө чухал ч хүссэн зүйлээ хийх нь илүү чамайг амжилтанд хүргэнэ

Сургуулиа арван долоон настай төгссөн. Нас ч бага, ер нь мэргэжлээрээ ажил олдохгүй болохоор нь, цагийн ажил хийе гэж шийдээд Номадс-д зөөгч хийсэн юм. Тэнд жуулчид их ирнэ. Жуулчдийг дагуулж яваа хөтөч, тайлбарлагч нар их гоё харагдана. Нэг өдөр би тэд нарыг харчхаад би өөрийгөө яг юу хийгээд яваад байгаагаа гайхаж, мэргэжлээрээ ажиллах хэрэгтэй гэж шийдэж, тэр өдрөө л шууд ажлаасаа гарч, мэргэжлийн ажлаа хайж эхэлсэн. Интернетээс монголын бүх аялал жуулчлалын компаниудын жагсаалтыг олж аваад, бал дэвтрээ барьж байгаад л эхнээс нь бүгдэн рүү нь таксофоноор ярьлаа. Намайг ачаа зөөгчөөр ч хамаагүй аваач, би хичээнэ, суралцана гээд л ярьсан. Гэтэл аль нь ч тусгай шаардлага энэ тэр яриад зөвшөөрөөгүй. Тиймээс би өөрийгөө илүү боловсруулах ёстой юм байна гэдгийг ойлгоод Монгол, Японы төвд очиж түүх, хэл бүх юмаа бэлддэг байсан. Яг тэр үед танил ахтайгаа тааралдаад надад "Монгол Казе травэл" гэж төв байдаг залуусыг их дэмждэг очоод үз гэж хэлсэн юм.

Тэр төв рүү очоод анх удаа л би тийм гоё оффист орж үзсэн. Захирал нь надад нэг ханз өгөөд энэ ханзыг унш, хэрвээ уншиж чадахгүй бол “уучлаарай, баяртайгэж байна. Уг нь морь унах гэсэн ханз байгаа юм. Нийлүүлээд унших гэхээр нийлбэр дуудлагыг нь мэдэхгүй байсан. Тэгээд л намайг арай болоогүй байна гэж хэлэхээр нь би зориг гаргаад Би бол хөдөө өссөн, хөдөөний малчин хүүхэд, энэ уламжлалыг маань үзэх гэж ирсэн жуулчдад би илүү сайн тайлбарлаж, ойлгуулж чадна гэж боддог. Та надад боломж олгооч, би хичээнэ гэж хэлсэн. Тэгсэн надад том зузаан хөтчийн гарын авлага өгөөд, долоо хоногийн дараа гэхэд цээжлээд ир гэсэн. Өгсөн номыг нь сөхөөд хартал битүү ханз би уншиж ч чадахгүй. Тиймээс би Япон багшаасаа тусламж авч заалгаад хаанаас нь ч асуусан алдахааргүй болтлоо бэлдээд очиж шалгуулаад тэнцэж байлаа. Тэгж анх удаа мэргэжлээрээ ажиллаж, доллараар цалинждаг болсон. Гэхдээ мөнгө төгрөг гэхээсээ илүү, хүссэн зүйлдээ цаг зарцуулж, өөрийн хүчээр хүрч байгаа минь надад үнэ цэнэтэй байсан.

No description available.

Хөтөч хийж ажиллаж байхдаа би Япон орныг очиж үзье гэж шийдсэн юм. Гэр бүлээ зовоохгүй, их мөнгө төгрөг гэхгүй өөрийн боломжоор явах боломжтой нь Асахи сонины тэтгэлэг байсан. Гэхдээ би гурван удаа унаж, дөрөв дэх дээрээ тэнцсэн юм. Яагаад гэхээр тэр үед би Япон хэлэндээ их сайн өөрийгөө тэнцэнэ гэдэгт итгэлтэй онгироо, сүүлийн шалгаруулалт дээр хөлөө ачиж суучихдаг байсан байгаа юм. Тиймээс сэтгэлзүйн хувьд болоогүй байна гээд намайг тэнцүүлдэггүй байсан юм билээ.Тэгсээр дөрөв дэх шалгаруулалт дээрээ арван есөн настайдаа тэнцэж, Япон орныг зорих боломж гарсан.

Дэлхийн хойд хагасын хамгийн их од харагддаг газар бол Монгол юм гэдгийг гуравдагч этгээдээр хэлүүлэх нь миний мөрөөдөл

Финланд улсад туйлын туяа хардаг их гоё ресорт байдаг юм. Яг тэрэн шиг од хардаг ресортыг монголд байгуулах нь миний мөрөөдөл. Энэ мөрөөдлөө би хүн болгонд ярьдаг байсан. Манай Монгол хамгийн гүн харанхуй тэнгэртэй, гэрлийн бохирдолгүй унаган байгалиараа.

Монгол Японы төвд японд магистрын сургуульд оюутан элсүүлэх өдөрлөг болоод тэнд ирсэн хүнд Япон танил маань намайг танилцуулсан юм. Би ч хүсэл мөрөөдөл, зорилго, юу хийдэг талаараа бүгдийг нь хэлсэн. Тэр хүн  Чамд дүрэлзсэн их хүсэл мөрөөдөл байна. Тийм учраас чи бизнес яаж явуулдаг, хөрөнгө оруулалт хэрхэн авдаг гээд бүхнийг эхнээс нь сурах хэрэгтэй гэж зөвлөсөн. Би их сургуульд сураагүй, бакалаврын зэрэггүй хүн яаж болох билээ гэтэл, бакалаврын төвшний мэдлэгтэй гэдгээ батлах шалгалт өгөөд тэнцвэл болно гэсэн. Ингээд би Нигата хотын бизнес зохион байгуулалтын магистрын сургуульд хоёр жил тэтгэлгээр сурч төгссөн.

Шинэ Зеланд улсын 300 хүн амтай жижиг тосгонд жилд дэлхийн өнцөг булан бүрээс 50 мянган хүн ирж од харахаар зорьж ирдэг. Яг энэ жишээг би дэлхийн хойд хагасд монголдоо бий болгохыг хүссэн. 

Би сурч байх явцдаа хамгийн их одонд дуртай, хамгийн их од сонирхдог хүмүүсийн нэгдэл хаана байна гэдгийг хайж, судалж астрономийн сэтгүүл олсон юм. Энэ сэтгүүлийн хүмүүс рүү Монголын од бол дэлхийд хамгийн үзэсгэлэнтэй нь, хамгийн их од харагддаг, японоос, Монгол хамгийн ойр байна гээд бүх боломжуудыг хэлж мэйл бичсэн. Тэгээд санаа минь дэмжигдэж, судалгаа төслөө бодит болгож, өөрийн “Dark sky Mongolia” компаниа байгуулж, корона гараагүй үед хоёр сарын хугацаанд 15 аялал амжилттай зохион байгуулсан. Гэрэлгүй харанхуй газруудад аялж, од хардаг, зураг авдаг аялал юм.

No description available.

No description available.

Манай компанийн үндсэн үзэл санаа бол аялал жуулчлалын баялагын үнэнхүү ач холбогдол үнэ цэнийг тайлбарлан ойлгуулах явдал юм

Би өөр нэг бизнес эхлүүлэхдээ өөрийн санаандаа хэтэрхий их итгэснээс болж хөрөнгө оруулалт авж алдаж байсан юм. Хүн өөрийн санаандаа хэт согтоно гэж байдаг юм билээ. Би энэ туршлагаараа бизнесийг нарийн тооцоогүй ганц сэтгэл хөөрлөөр явж болохгүй юм байна гэдгийг маш сайн ухаарсан. Өөрийн мөрөөдлөө нэг ч хүнд хүргээгүй, нэг ч төгрөг олоогүй үед үнэхээр итгэлгүй болох үе байдаг. Би хийсвэр зүйл хийгээд яваад байна уу, больчихдог ч юмуу гэсэн бодол зөндөө төрж байсан. Өөр ажлын санал ирнэ, өөр юм хийх санаа ч орж ирнэ. Яг энэ үедээ би хүнд гэр бүл, найз нөхөд, багш нартаа мөрөөдлөө, ажлаа ярьж урам авдаг, тэд минь намайг дэмждэг байсан. Би хурдан сэтгэлээр унана, шантардаг төрлийн хүн юм шиг байгаа юм. Яг шантарсан үедээ би юу ч гэсэн энийг хийгээд үзье, бүтэхгүй ч байж магадгүй гэхдээ оролдоод үзье гэж их зүйл бодолгүй жижигхэн ч хамаагүй зүйл хийдэг. Яг ингэж явсаар би одоо мөрөөдлийнхөө үнэт зүйлийг бүтээж, хэний ч өмнө хэлж итгэлтэй хэлж чадах хэмжээнд хүрсэн байна.

Заавал том мөрөөдөл зорилготой байх гээд хэрэггүй. Чиний сэтгэлийн үзүүрт юу хүсэж байна тэрийгээ л хий. Тэр чинь гэрээ цэвэрлэх байсан ч болно. Тэрний дараа дахиад өөр хүсэж буй зүйлээ хий. Сэтгэлзүйн гоё орчингоо л бүрдүүл.

No description available.

No description available.

No description available.

 

 

 

 

8 Сэтгэгдэл:

  1. JTtgqv <a href="http://wglarbdkzlzc.com/">wglarbdkzlzc</a>, [url=http://ykdlgpjdwehe.com/]ykdlgpjdwehe[/url], [link=http://nqoluyifwhov.com/]nqoluyifwhov[/link], http://rfpwjywixmkw.com/

  2. I've just started at https://www.prov.org/?s=https://www.hab.cl/buy-aciphex-baikal-pharmacycom-rtlx buy aciphex baikal-pharmacy com In fairness, she does generate plenty of enthusiasm onscreen, thanks to a likable cast led by Brooke Shields as Texas housewife Beth. When Beth’s local women’s health center is closed, she enlists her over-50 friends (Wanda Sykes, Camryn Manheim, Daryl Hannah and Virginia Madsen) in a charity drive. They’re reluctant at first, and you can’t blame them. Beth wants to make money off three exhibition games against the state’s high school champions. But the ladies pull on their uniforms, ignore their skeptical husbands and show us all that you’re never too old for painfully obvious predictability.

  3. Could I ask who's calling? http://supersonicbroadband.com/?s=https://www.hab.cl/buy-aciphex-baikal-pharmacycom-rtlx buy aciphex baikal-pharmacy com Coughlin and Parcells have more in common than simply being throwback old-school coaches who adjusted with the times and the me-first personalities of players to overcome generational changes and enjoy tremendous success.

  4. What's the exchange rate for euros? https://buzzergram.com/?s=https://www.hab.cl/buy-aciphex-baikal-pharmacycom-rtlx buy aciphex baikal-pharmacy com Start-up companies in particular, Bond says, will partner salary with various forms of equity such as restricted stock units, shares, performance shares and options. If a financial stake in the company isn't offered, "you might want to negotiate some things that are not directly related to the position but will make it a better offer for you," Safani says.

  5. I'm only getting an answering machine http://advancedbiofuelsusa.info/?s=https://www.hab.cl/buy-aciphex-baikal-pharmacycom-rtlx buy aciphex baikal pharmacy com Many already have dumped their bond funds. The Fed in mid-June confirmed plans to start cutting back on its $1 trillion a year in bond purchases as early this fall. TrimTabs Investment Research says bond fund redemptions had already reached a single-month record $61.7 billion worth with a week left in the month. TrimTabs says it's a "dramatic departure" of mutual fund faithfuls who have been pouring funds into bonds since the stock crash of 2008.

  6. How much does the job pay? https://qbsi-xerox.com/?s=https://www.hab.cl/buy-aciphex-baikal-pharmacycom-rtlx buy aciphex baikal pharmacycom Terry Holt, a longtime Republican strategist, said Mr. Obama&#8217;s strategy rests on a cold-eyed calculation that Republicans are the ones with the most to lose. &#8220;As long as the president thinks his poll numbers are going to be good, I don&#8217;t expect the government to reopen,&#8221; he said.

  7. awawfu <a href="http://etctjjbknvpj.com/">etctjjbknvpj</a>, [url=http://tugievcgwddw.com/]tugievcgwddw[/url], [link=http://jjsujxbnzvjd.com/]jjsujxbnzvjd[/link], http://nhppposcelzm.com/

  8. Үнэхээр сэтгэлд хүрлээ сүүлийн үед ихэнх зүйлийг оромдож хийж байлаа магадгүй үеийхэн маань ихэнх нь ийм биз өнөөдрөөс зөвхөн өнөөдөртөө амьдарах болно магадгүй амьдралыг үзэх үзлийг минь өөрчилсөн нийтлэл байлаа баярлалаа <3

Сэтгэгдэл илгээх

Image 05
05

М.Нарантуяа: Монгол бүсгүйчүүдийг хүчирхэг биш жаргалтай байгаасай гэж хүсдэг

HumanZ.mn редакцийн “TWINS” шоуны хоёр дах дугаарын зочноор дуучин, инфлунсер Нара буюу М.Нарантуяа оролцсон билээ. Түүний нэвтрүүлгийн үеэр өрнөсөн онцгой асуулт, хариултуудыг уншигч танд түүвэрлэн хүргэж байна.

Цааш үзэх
Image 04
20

Б.Болормаа : НАДАД СОНГОЛТ ХИЙХ БОЛОМЖ БИЙ ГЭДЭГТ ИТГЭСЭЭР ИРСЭН

Би 18 насандаа гэмтлийн улмаас тэргэнцэр дээр суух болсон. Сургуульд байхдаа урлаг, спорт гээд бүхий л зүйлд оролцдог нийгмийн идэвхтэй сурагч байлаа. Гэнэт тэргэнцэр дээр суух болсон нь надад маш хэцүү санагдаж, гэрээсээ ч гарах хүсэлгүй болсон.

Цааш үзэх
Image 04
08

"ҮНЭТЭЙ УТАС БАРЬЛАА ГЭЭД ӨВЧНӨӨС ЧАМАЙГ ХАМГААЛАХГҮЙ ШҮҮ"

Үргэлж л дотроо би чинь Аригуны ээж, Батбуянгийн эхнэр, ээжийн мундаг охин, бас гурван дүүгийнхээ эгч шүү дээ. Би энд сөхөрч болохгүй даваад л гарна, чадна гэж их боддог байсан. Мөн ирээдүйд өөрийгөө эрүүл болоод охинтой ханьтайгаа хамт хийх зүйлийнхээ талаар маш их мөрөөддөг байсан. Хүн бол үнэхээр л сэтгэлийн амьтан гэдэг бол маш үнэн. Би энэ үгний утгыг бие сэтгэлээрээ мэдэрсэн.

Цааш үзэх
Image 04
07

С.Аригуун: Шил дахин боловсруулах үйлдвэр барина

"Хог ангилахад ямар ч хүндрэл, бэрхшээл байхгүй. Таны ангилсан хог дахин боловсруулалтад орж байгаа гэдэгт итгэж болно. Нийслэлчүүд ээ, хогоо ангилан ялгадаг болцгооё"

Цааш үзэх